ონლაინ დახმარება

დატოვეთ შეტყობინება

+995 32 220 00 00

კომპანია

ახალი ამბები

  • ბონუს ქულების აქცია ერთგულ მომხმარებლებს

    07.04.2014

    კავკასუს ონლაინი ერთგული მომხმარებლებისათვის სპეციალურ აქციას იწყებს. მომსახურების საფასურის გადახდისას დაგროვებული ბონუს ქულებით მათ სხვადასხვა დამატებითი  სერვისის მიღება შეუძლიათ.  აქციაში 7 აპრილიდან 15 მაისამდე  ჩართული მომხმარებლები   სიჩქარეს  3 ან 6 თვით გაზრდიან და ამ პერიოდში ზედამომდევნო პაკეტით გათვალისწინებულ  სიჩქარეს მიიღებენ. 3 თვით სიჩქარის გასაზრდელად 90 ქულაა საჭირო, ხოლო თუ მომხმარებელი სიჩქარეს 6 თვით გაზრდის, 180 ქულას დახარჯავს. 21 აპრილიდან კი ამ შეთავაზებას სხვა პირობებიც დაემატება და 21 აპრილიდან  15 მაისის ჩათვლით აქციაში  ჩართული მომხმარებლები არსებულ ინტერნეტ პაკეტზე 5 ლარიან ფასდაკლებას მიიღებენ 3 ან 6 თვით, შესაბამისად 90 და 180 ქულის სანაცვლოდ. აქციის პერიოდშივე შესაძლებელია პაკეტის ცვლილება და „ქვედა“ პაკეტზე გადასვლა 600 ქულის გამოყენებით.  იმისათვის, რომ მომხმარებელმა ისარგებლოს აქციის პირობებით, მანპირად სივრცეში“ – http://userarea.co.ge/  უნდა აირჩიოს სასურველი შეთავაზება, ამავე სივრცეში გაეცნობა ის ანგარიშზე არსებული ბონუს ქულების რაოდენობას, ასევე ქულების დაგროვებისა და დახარჯვის წესებსდეტალური ინფორმაციის მიღება აქციასთან დაკავშირებით შესაძლებელია საინფორმაციო სატელეფონო ცენტრში, ნომერზე 220 00 00

  • ცვლილება კავკასუს ტვ–ის პაკეტებში

    02.04.2014

    17 აპრილიდან კავკასუს ტვ–ის პაკეტებში GMG-ის არხები –  GMG ჰოლივუდი, GMG კინოგურმანი, GMG კინოკლუბი, GMG ფეხბურთი, GMG სპორტი, GMG სპორტ 2  შეიცვლება ტელეკომპანია HTB-ს კინო არხებით: Премьера, Кинохит, Киноклуб, Наше новое кино, КИНОСОЮЗ, НТВ-ПЛЮС 3Dამ ცვლილებასთან დაკავშირებით მომხმარებლების სააბონენტო გადასახადი არ შეიცვლება. კიდევ ერთი ცვლილება მოხდება კავკასუს ტვ–ის არხების შემადგენლობაში: 17 აპრილს, არხები CBS Drama და  CBS Reality გაითიშება. 

  • НТВ-ПЛЮС–ის კინო არხები კავკასუს ტვ–ში!

    14.03.2014

    სასიამოვნო სიახლე კავკასუს ტვის მომხმარებლებისათვის და განსაკუთრებით კინო მოყვარულებისთვის! 15 მარტიდან კავკასუს ტვის ყველა მომხმარებელს სატესტო რეჟიმში ჩაერთვება ტელეკომპანია НТВ-ПЛЮС–ის კინო არხები:  Премьера, Кинохит, Киноклуб, Наше новое кино, КИНОСОЮЗ, НТВ-ПЛЮС 3D; სატესტო რეჟიმი 1 მაისამდე გაგრძელდება. აღნიშნულ პერიოდში პერიოდში მომხმარებლები  ამ არხებით სარგებლობისთვის დამატებით გადასახადს არ გადაიხდიან. საცდელი ვადის გასვლის შემდეგ, კომპანია მომხმარებელს ტელევიზიის განახლებულ პაკეტებს შესთავაზებს.

  • ტელეფონია ფოთში

    20.02.2014

    20 თებერვლიდან კავკასუს ონლაინი ფოთის მოსახლეობას ოპტიკურ ინტერნეტთან და აი პი ტელევიზიასთან ერთად ტელეფონიის სერვისსაც შესთავაზებს.  ფიქსირებული ტელეფონით სარგებლობას ფოთში კავკასუს ონლაინის ინტერნეტის ნებისმიერი მომხმარებელი შეძლებს.  ჩართვიდან ერთი თვის განმავლობაში ყველა მომხმარებელი აქციის პირობებით ისარგებლებს. ამ ერთი თვის განმავლობაში ტელეფონიის ინსტალაცია უფასოა, მომხმარებელი არ გადაიხდის სააბონენტო გადასახადს, კავკასუს ონლაინის შიდა ქსელში ისაუბრებს უფასოდ, საქართველოში მოქმედ ფიქსირებულ ტელეფონებზე კი ექნება 100 წუთი საჩუქრად. ამავე პერიოდში, საქართველოს ნებისმიერი მობილური ოპერატორის ქსელში მომხმარებელი წუთში 0.15 ლარს გადაიხდის, საქართველოს სხვა ფიქსირებულ ქსელში საქალაქთაშორისო ზარისათვის წუთში 0.03 ლარს და ადგილობრივი ზარისათვის სხვა ფიქსირებულ ქსელშიც 0.03 ლარს. აქციის პერიოდის გასვლის შემდეგ მომხმარებელი აირჩევს ორიდან მისთვის სასურველ პაკეტს და ისარგებლებს შემდეგი პირობებით:

    ყოველთვიური სააბონენტო 3 ლარი:  საქართველოში მოქმედ ფიქსირებულ ტელეფონებზე 100 უფასო წუთი; ზარი კავკასუს ონლაინის  შიდა ქსელში 0; ზარი საქართველოს ნებისმიერი მობილური ოპერატორის ქსელში 0.20 ლარი; საქალაქთაშორისო ზარი საქართველოს სხვა ფიქსირებულ ქსელში 0.04 ლარი; ადგილობრივი ზარი სხვა ფიქსირებულ ქსელში 0.04 ლარი;

    ყოველთვიური სააბონენტო 5 ლარი:  საქართველოში მოქმედ ფიქსირებულ ტელეფონებზე 200 უფასო წუთი; ზარი კავკასუს ონლაინის  შიდა ქსელში 0; ზარი საქართველოს ნებისმიერი მობილური ოპერატორის ქსელში 0.18 ლარი; საქალაქთაშორისო ზარი საქართველოს სხვა ფიქსირებულ ქსელში 0.04 ლარი; ადგილობრივი ზარი სხვა ფიქსირებულ ქსელში 0.04 ლარი;

    ტელეფონიის სერვისი მუშაობს წინასწარი გადახდის პრინციპით. მომხმარებელს  ბალანსის შევსება შეუძლია  სწრაფი გადახდის აპარატებით, ბანკების დახმარებით და ასევე კავკასუს ონლაინის სერვის ცენტრში.  მომსახურების მისაღებად საჭიროა „სახლის“  სტანდარტული ტელეფონის აპარატი.

  • ზამთრის უნივერსიადა 2014

    20.02.2014

    კავკასუს ონლაინისა და საქართველოს ფრისტაილის ფედერაციის პარტნიორობის ფარგლებში, კავკასუს ონლაინის მხარდაჭერით, 21–22 თებერვალს, ბაკურიანში ზამთრის უნივერსიადა ჩატარდება ოთხ დისციპლინაში: სათხილამურო კროსი, სნოუბორდ კროსი, სათხილამურო ფრირაიდი და სნოუბორდ ფრირაიდი. კროსები 21 თებერვალს დიდველის სათხილამურო ტრასებზე ჩატარდება, ხოლო ფრირაიდი 22 თებერვალს კოხტაგორაზე. უნივერსიადაში მონაწილეობა ნებისმიერ სტუდენტს შეუძლია. შეჯიბრების გამარჯვებულებს კავკასუს ონლაინი ინტერნეტ პაკეტებით დაასაჩუქრებს. 

  • კავკასუს ონლაინი საქართველოს ფრისტაილის ფედერაციის პარტნიორია!

    10.02.2014

    კავკასუს ონლაინისა და საქართველოს ფრისტაილის ფედერაციის პარტნიორობის ფარგლებში 9 თებერვალს, გუდაურში პირველი შეჯიბრი გაიმართა ფრირაიდში. Caucasus Freeride Cup ღია შეჯიბრია მოთხილამურეებისა და სნოუბორდერებისათვის. მონაწილეებმა რეგისტრაცია წინასწარ გაიარეს და შეჯიბრში „ჩრდილის მთაზე“ 30–ზე მეტმა ექსტრემალმა მიიღო მონაწილეობა. ტურნირში გამარჯვებულებს კავკასუს ონლაინისაგან სპეციალური საჩუქრები გადაეცათ –  „გრადუსის“ ვაუჩერები და ინტერნეტის 6 თვიანი პაკეტები. ასევე, სპეციალური პრიზი – 6 თვიანი ინტერნეტ პაკეტი  კომპანიის გადაწყვეტილებით საჩუქრად შეჯიბრის ყველაზე პატარა მონაწილემ 12 წლის სნოუბორდერმა, ნიკუშა გამცემლიძემ მიიღო. ფრისტაილის ფედერაციასთან ერთად მთელი წლის განმავლობაში არაერთი სპორტული ღონისძიებაა დაგეგმილი საქართველოს სხვადასხვა ქალაქებში.   

  • STEP TO THE FUTURE: კავკასუს ონლაინი ევროპის ახალგაზრდული ოლიმპიური ფესტივალის, თბილისი 2015–ის პლატინის სპონსორია!

    04.02.2014

    კავკასუს ონლაინსა და ევროპის ახალგაზრდული ოლიმპიური ფესტივალის თბილისი 2015–ის საორგანიზაციო კომიტეტს შორის პლატინის სპონსორობის ურთიერთშეთანხმების მემორანდუმი გაფორმდა. მემორანდუმს კავკასუს ონლაინის გენერალურმა დირექტორმა, ნიკა ჭიაურელმა და ფესტივალის საორგანიზაციო კომიტეტის თავმჯდომარემ ალექსი ახვლედიანმა მოაწერეს ხელიოლიმპიური ფესტივალი სპორტის 9 სახეობას მოიცავს, ესენია: მძლეოსნობა, ჩოგბურთი, კალათბურთი, ცურვა, ფრენბურთი, ხელბურთი, ძიუდო,ველოსპორტი და სპორტული ტანვარჯიში. 2015 წლის ივლისის ბოლოს თბილისში კონტინენტის 49 ქვეყნის 4 ათასზე მეტი სპორტსმენი მოიყრის თავს. ევროპული სტანდარტების მიხედვით მოწესრიგდება სპორტული ინფრასტრუქტურა და აშენდება ოლიმპიური სოფელი. პარტნიორობის  ფარგლებში კავკასუს ონლაინი ოლიმპიური სოფლისა და ფესტივალში ჩართული სხვა ობიექტებისათვის მაღალხარისხიანი, სატელეკომუნიკაციო სერვისების მიწოდებას უზრუნველყოფს. მანამდე, 2014 წლის ივნისში თბილისში ევროპის მძლეოსნობის გუნდური ჩემპიონატი ჩატარდება, რომელიც ასევე უმნიშვნელოვანესი სპორტული მოვლენაა და ერთგვარ გენერალურ რეპეტიციას წარმოადგენსევროპის ახალგაზრდული ოლიმპიური ფესტივალისთბილისი 2015"–სთვის. კავკასუს ონლაინი საორგანიზაციო კომიტეტთან ერთად მთელი ამ პერიოდის განმავლობაში სხვადასხვა აქციებში მიიღებს მონაწილეობას, რომლებიც ჯანსაღი ცხოვრების წესის პოპულარიზაციისკენ იქნება მიმართული.  

  • იგრძენი სწრაფი ინტერნეტის ძალა!

    03.02.2014

    კავკასუს ონლაინი ინტერნეტის მოხმარების კიდევ ერთ, ახალ სტანდარტს აწესებს და ბაზარზე ახალი ინტერნეტ პაკეტები შემოაქვს.  3 თებერვლიდან თბილისში კომპანია მომხმარებლებს შემდეგ ინტერნეტ პაკეტებს სთავაზობს: 10 მბ 25 ლარად, 30 მბ 35, 50 მბ 45 და 100 მბ 100 ლარად!  მინიმალურ პაკეტში ინტერნეტის სიჩქარე გაორმაგდა და უკვე 10 მბ–ია! გარდა ამისა, ცალკე შეიქმნა სპეციალური ტარიფი რეგიონებისათვის 5 მბ 20 ლარად, რომლითაც მომხმარებლები რუსთავსა და ფოთში, მოგვიანებით კი სხვა ქალაქებშიც ისარგებლებენ. თბილისში ყველა არსებული მომხმარებელი თვითონ აირჩევს რომელი ახალი პაკეტით ისარგებლებს 1 მარტიდან, ხოლო თუ მითითებულ პერიოდამდე მან ეს არჩევანი არ გააკეთა, მას ავტომატურად ჩაერთვება მისი არსებული პაკეტით გათვალისწინებული სიჩქარის შესაბამისი ახალი პაკეტი გაზრდილი სიჩქარით. პაკეტის ცვლილების შესახებ ინფორმაციას ყველა მომხმარებელი ინდივიდუალურად სმს შეტყობინების სახით მიიღებს. 
  • კავკასუს ტვ–ის ახალი არხები დაემატა

    09.01.2014

    სიახლეა კავკასუს ტვ–ის არხების შემადგენლობაში: დღეს, 18 საათიდან ძირითად პაკეტებში პაკეტს „კარგი“ დაემატება აზერბაიჯანული საინფორმაციო არხები АЗ ТВ და ЛИДЕР, ქურთული საინფორმაციო არხი Rudaw, ფილმების არხი Кинолюкс, შემეცნებითი არხი Наука 2.0 და გასართობი არხი RTL 2; დამატებით პაკეტებში, პაკეტს „რუსული“ დაემატება გასართობი არხები:   Ностальгия, Загородная Жизнь, Мужской, შემეცნებითი არხები  – Успех და Первый Образовательный, ფილმების არხი Кино Плюс; ხოლო  პაკეტს „GMG +“ სპორტული არხი Наш Футбол. 

  • კავკასუს ონლაინისა და სამსუნგის საახალწლო აქცია

    27.12.2013

    კავკასუს ონლაინი და სამსუნგი მომხმარებელს ერთობლივ საახალწლო აქციას სთავაზობს. ყველა, ვინც 26 დეკემბრიდან 20 იანვრამდე  სამსუნგის ბრენდ მაღაზიაში, ჭავჭავაძის 42–ში სამსუნგის ტელევიზორს შეიძენს, კავკასუს ონლაინისაგან ინტერნეტისა (30მბ/წმ) და ტელევიზიის (95 არხი) 6 ან 12 თვიან პაკეტს მიიღებს საჩუქრად. ტელევიზორის შეძენისას მომხმარებელს ვაუჩერი გადაეცემა უნიკალური  კოდით, მან ეს კოდი კავკასუს ონლაინის ქოლ ცენტრის ოპერატორს უნდა შეატყობინოს.  მომხმარებელს შეუძლია ვაუჩერის გადაცემა მესამე პირისათვის. აქციის პირობებში მომხმარებელი ზემოთ მითითებული, კონკრეტული პაკეტით სარგებლობს და თუ მის შეცვლას გადაწყვეტს, სააბონენტო გადასახადის სახით იხდის არჩეული პაკეტის შესაბამის, სტანდარტულ ტარიფს. აქცია ვრცელდება მხოლოდ ფიზიკურ პირებზე, თბილისის მასშტაბით. აქციის დასრულების შემდეგ, კავკასუს ონლაინის არსებული მომხმარებელი ავტომატურად დაუბრუნდება პაკეტს, რომლითაც აქციის დაწყებამდე სარგებლობდა, ახალი მომხმარებელი კი კავკასუს ონლაინის მიერ შეთავაზებული სტანდარტული პაკეტებიდან აირჩევს მისთვის სასურველს. 

  • საახალწლო აქცია თბილისში, რუსთავში, ფოთში!

    18.12.2013

    კავკასუს ონლაინის საახალწლო აქცია დაიწყო. ყველა, ვინც თბილისში 14 იანვრამდე გახდება კავკასუს ონლაინის მომხმარებელი 10 მბ  სიჩქარის ინტერნეტს თვეში 20 ლარად მიიღებს,  22 მბ სიჩქარის ინტერნეტს თვეში 25 ლარად, 40 მბ სიჩქარეს თვეში 35 ლარად, ხოლო 50 მბ–ს თვეში 45 ლარად ჩართავს. საახალწლო ტარიფები არსებულ მომხმარებლებზეც ვრცელდება, მათ შეუძლიათ გაიაქტიურონ „ზედა“ პაკეტი განხლებული ტარიფებით. განახლებული ტარიფები ძალაშია 2014 წლის 31 დეკემბრის ჩათვლით.

    კავკასუს ონლაინს საახალწლო შეთავაზება აქვს ასევე რუსთაველებისთვის: 14 იანვრამდე ჩართულ მომხმარებლებს 6 თვის განმავლობაში შეუძლიათ ისარგებლონ 15მბ ლოკალური/5მბ გლობალური სიჩქარით თვეში მხოლოდ 15 ლარად.

    ფოთში საახალწლო შეთავაზება ასევე 14 იანვრამდე ჩართულ მომხმარებლებზე ვრცელდება და 5 მბ სიჩქარის ინტერნეტს 3 თვით თვეში 9 ლარად გულისხმობს.

    აქციის მოქმედების პერიოდში ყველა ქალაქში ინსტალაცია უფასოა.   საახალწლო ტარიფები როგორც თბილისში, ასევე რუსთავსა და ფოთში მოქმედებს მხოლოდ ფიზიკური პირებისათვის. აქციის დასრულების შემდეგ, მომხმარებელი ავტომატურად აგრძელებს აქციის პერიოდში არჩეული პაკეტით სარგებლობას სტანდარტული, არა აქციის დროს მოცემული ფასით ან ირჩევს აქციის დასრულების პერიოდისათვის კომპანიის მიერ შეთავაზებული სტანდარტული პაკეტებიდან ნებისმიერს.   

    კავკასუს ონლაინი გილოცავთ დამდეგ ახალ წელს.

  • კავკასუს ონლაინის და ალტას ერთობლივი საახალწლო აქცია

    03.12.2013

    3 დეკემბერს დაიწყო და  14 იანვრამდე გაგრძელდება კავკასუს ონლაინისა და ალტას კიდევ ერთი, საახალწლო აქცია. მომხმარებელი, ვინც ამ პერიოდში ალტას შოურუმში სამსუნგის ტელევიზორს შეიძენს, კავკასუს ონლაინისაგან საჩუქრად კავკასუს ტვის (95 არხი http://www.co.ge/CaucasusTV.aspx) 3 თვიან, 6 თვიან ან 1 წლიან პაკეტს მიიღებს საჩუქრად, ხოლო HP- ნოუთბუქების შეძენისასინტერნეტის (22 მბ/წმ http://www.co.ge/CaucasusLink.aspx) 3 ან 6 თვიან პაკეტს. კავკასუს ონლაინის სერვისების მისაღებად მომხმარებელს ალტაში სპეციალურ ვაუჩერს გადასცემენ, რომელზეც უნიკალური კოდია დატანილი, მომხმარებელმა კი ეს კოდი კავკასუს ონლაინის ქოლ ცენტრის ოპერატორს უნდა შეატყობინოს. ვაუჩერის გამოყენება შესაძლებელია 1 თებერვლამდემხოლოდ თბილისში, კავკასუს ონლაინის დაფარვის ზონაში. ვაუჩერების რაოდენობა შეზღუდულია და მომხმარებელს მისი გადაცემა მესამე პირისთვისაც შეუძლია. აქცია ვრცელდება მხოლოდ ფიზიკურ პირებზე. ვაუჩერის განაღდება შეუძლებელია და მისი გამოყენება მხოლოდ ერთ მომხმარებელს შეუძლია. სასაჩუქრე ვაუჩერით სარგებლობა შეუძლიათ კავკასუს ონლაინის არსებულ მომხმარებლებსაცისინი ვაუჩერს მიმდინარე მომსახურებაზე გამოიყენებენ, ან ვაუჩერის შესაბამის ფასდაკლებას მიიღებენ შემდეგ, ზედა სერვის პაკეტზე გადასვლის შემთხვევაში. აქციის პერიოდის გასვლის შემდეგ აქციის ფარგლებში ჩართული მომხმარებლები  განაგრძობენ არსებული პაკეტით სარგებლობას სტანდარტული ფასებით, ხოლო ის მომხმარებლები, ვინც აქციამდეც სარგებლობდნენ კავკასუს ონლაინის მომსახურებით, დაუბრუნდებიან იმ პაკეტებს, რომლებიც  აქციის დაწყებამდე ჰქონდათ ჩართული.

  • აქცია რუსთავში!

    07.10.2013

    7 ოქტომრიდან კავკასუს ონლაინმა რუსთაველებისათვის სპეციალური აქცია დაიწყო. აქციის განმავლობაში ჩართული მომხმარებლები რუსთავში 20 მბ სიჩქარის ინტერნეტს პირველი ერთი თვის განმავლობაში საჩუქრად მიიღებენ, ხოლო შემდგომი ორი თვის მანძილზე თვეში 9 ლარს გადაიხდიან. თუ კავკასუს ონლაინის არსებული მომხმარებელი გადაწყვეტს აქციის პირობებით სარგებლობას, ის სამი თვის განმავლობაში ინტერნეტ მომსახურებას თვეში 9 ლარად მიიღებს.  აქციაში ჩართული მომხმარებლები ასევე არ გადაიხდიან მინიმალური პაკეტის ინსტალაციის საფასურს, 30 ლარს. აქცია ძალაშია 30 ნოემბრის ჩათვლით, მხოლოდ ფიზიკური პირებისთვის. 

  • მუსიკის საერთაშორისო ფესტივალი თელავში

    11.09.2013

    კავკასუს ონლაინი მესამე წელია  თელავში მუსიკის საერთაშორისო ფესტივალის წარმომდგენია. კულტურისა და ძეგლთა დაცვის სამინისტროში დღეს ამ თემაზე პრესკონფერენცია გაიმართა. ფესტივალის შესახებ საქართველოს კულტურისა და ძეგლთა დაცვის მინისტრმა გურამ ოდიშარიამ, კლასიკური მუსიკის დაცვის, განვითარებისა და პოპულარიზაციის ცენტრის გენერალურმა მენეჯერმა თამრიკო ლორთქიფანიძემ და ფესტივალის გენერალური სპონსორის „კავკასუს ონლაინის“ საზოგადოებასთან ურთიერთობის მენეჯერმა რუსუდან კაპანაძემ ისაუბრეს. 2013 წლის ფესტივალი  12–დან 20 ოქტომბრამდე გაგრძელდება და  მოიცავს 6 კონცერტს, რომელთა  უმეტესობა საერთაშორისო საფესტივალო ორკესტრის თანხლებით გაიმართება. ორკესტრს წარუძღვება დირიჟორი არიელ ცუკერმანი, ხოლო სოლისტები არიან: ელისო ვირსალაძე, კოლა (ლუკას ნიკოლაი) ბლაჰერი, ინგოლფ ტურბანი, ნატალია გუტმანი, ედუარდ ბრუნერი, ბენჟამინ გილმორი, მიხეილ ქართველიშვილი, ნოდარ ჟვანია, ჩულ გინ პაკი, გიორგი ქობულაშვილი, ჯააკო ლუომა, თამაზ ბათიაშვილი, პჟემისელ ვოიტა, მიხეილ ქართველიშვილი. ყველა საფესტივალო საღამოს პირდაპირ ჩვენებას ინტერნეტში კავკასუს ონლაინი წელსაც უზრუნველყოფს.

  • განახლებული ვიდეოთეკა 2 სექტემბრიდან

    26.08.2013

    ვიდეოთეკის განახლებასთან დაკავშირებული მიმდინარე სამუშაოების გამო, 26 აგვისტოდან კავკასუს ტვ–ის ვიდეოთეკა დროებით არ იქნება ხელმისაწვდომი.   განახლებული ვიდეოთეკით სარგებლობას მომხმარებლები 2 სექტემბრიდან შეძლებენ. კავკასუს ონლაინი ბოდიშს უხდის კავკასუს ტვ–ის მომხმარებლებს.
  • კავკასუს ონლაინი – მათემატიკის ოლიმპიადის მხარდამჭერი!

    09.08.2013

    კავკასუს ონლაინის მხარდაჭერით წელს უკვე მესამედ ჩატარდა მათემატიკის ოლიმპიადა მთელი საქართველოს მასშტაბით. ოლიმპიადაში  ქვეყნის  51 მუნიციპალური ცენტრისა და 5 თვითმმართველი ქალაქის მოსწავლეებმა მიიღეს მონაწილეობა. პირველი ტური 2 ივნისს ჩატარდა, მეორე 9 ივნისს და მასში მონაწილეობა მიიღეს იმ მოსწავლეებმა, რომლებიც რეიტინგული სიის საუკეთესო 25 % – ში მოხვდენენ პირველი ტურის შედეგებიდან გამომდინარე.  პირველ და მეორე ტურში მიღებული ქულების გათვალისწინებით, გამოვლინდა გამარჯვებული 45 მოსწავლე, რომლებიც გავიდნენ საკუთარ კლასში პირველ, მეორე ან მესამე ადგილზე. გამარჯვებული მოსწავლეების  დაჯილდოება სასტუმრო ,,შერატონ მეტეხი პალასში’’ გაიმართა, სადაც მათ დიპლომები და პლანშეტური კომპიუტერები გადაეცათ.

  • საჩუქარი კავკასუს ონლაინის ერთგულ მომხმარებლებს!

    05.08.2013

    კავკასუს ონლაინი ერთგულ მომხმარებლებს განსაკუთრებულ საჩუქარს უკეთებს – ეს არის „ალტას“ ვაუჩერი, რომლის მეშვეობითაც კავკასუს ონლაინის მომხმარებლები სპეციალურ პირობებს მიიღებენ ალტას მაღაზიათა ქსელში. ერთი ვაუჩერის ნომინალური ღირებულება 50 ლარია და იმის მიხედვით, თუ ინტერნეტის რომელი პაკეტით სარგებლობს მომხმარებელი ის კავკასუს ონლაინისაგან 1, 2 ან 3 ვაუჩერს მიიღებს. „კარგი“ პაკეტის (20 ლ). მომხმარებლები ერთ ვაუჩერს (50 ლარი) მიიღებენ, „ძალიან კარგი“ (30 ლ). და „უკეთესი“ (40 ლ). პაკეტის მომხმარებლები ორს (100 ლარი), ხოლო „საუკეთესო“ (50 ლ.) და „ულიმიტო“ (100 ლ.) პაკეტის შემთხვევაში 3 ვაუჩერს (150 ლარი).  მომხმარებელი „პირადი სივრციდან“ ამობეჭდავს ვაუჩერს, ამოიწერს ვაუჩერის უნიკალურ კოდს ან მიიღებს ამ კოდს სმს–ის სახით. ყველა ის პროდუქტი, რომელთა შეძენისას სასაჩუქრე ვაუჩერი მოქმედებს, მომხმარებელს შეუძლია სპეციალურ კატალოგში შეარჩიოს, თავისი უნიკალური კოდით ეწვიოს ალტას ნებისმიერ შოურუმს და შეიძინოს სასურველი ნივთი.  ყველა პირობას მომხმარებელი კავკასუს ონლაინის ვებ გვერდზე, თავის „პირად სივრცეში“ გაეცნობა. მომხმარებელს შეუძლია სასაჩუქრე ვაუჩერი სხვა პირს გადასცეს. ვაუჩერის  გამოყენების ბოლო ვადაა 2013 წლის 31 აგვისტო. 

  • შავი ზღვის II ღია ჩემპიონატი - კავკასუს ონლაინის თასი ინტელექტუალურ თამაშში „რა? სად? როდის?“

    22.07.2013

    26-28 ივლისს ბათუმში  შავი ზღვის მეორე ღია თასი გათამაშდება ინტელექტუალურ თამაშში „რა? სად? როდის?“. გასულ წელს სწორედ ამ ღონისძიებამ ჩაანაცვლა სამხრეთ კავკასიის ჩემპიონატი, რომელსაც 1998-2011 წლებში აგრეთვე აჭარა მასპინძლობდა.  საქართველოს, სომხეთის, აზერბაიჯანის, რუსეთის, ესტონეთისა და უკრაინის მოაზროვნეეები   ფესტივალის გენერალური სპონსორის – „კავკასუს ონლაინ“–ის თასს გაითამაშებენ. „რა? სად? როდის?“ თამაშებში, რომელსაც სასტუმრო „შერატონ ბათუმი“ უმასპინძლებს, 55 გუნდი მიიღებს მონაწილეობას.  ფესტივალის ჟიურის წევრები იქნებიან ცნობილი მოაზროვნეები: ალექსანდრ რუბინი (მოსკოვი), ალეს მუხინი (მინსკი), ალექსანდრ ანდროსოვი (ოდესა). ტურნირში ითამაშებენ სხვადასხვა ქვეყნის ელიტარული ტელე-კლუბების წევრები: ალექსანდრ დრუზი, მაქსიმ პოტაშევი, ილია ნოვიკოვი, ელენა ორლოვა, ვლადიმერ სტეპანოვი, ბალაშ კასუმოვი, ილია ბერი, გიორგი ბაქრაძე,ია მეტრეველი, ოთარ საბაშვილი, დავით რაფავა და სხვ.    გასულ წელს, შავი ზღვის I თასის გათამაშებაში გამარჯვება იზეიმა მოსკოვის გუნდმა „აფინა“ (კაპიტანი - მაქსიმ პოტაშოვი). ფესტივალი 26 ივლისს 14 საათზე გაიხსნება.
  • ცვლილება კავკასუს ტვ–ის პაკეტებში!

    21.07.2013

    არხის, ESPN  სრულ რეორგანიზაციასთან დაკავშირებით, რამდენიმე ქვეყანაში, მათ შორის საქართველოში, 31 ივლისიდან არხი წყვეტს მაუწყებლობას. შესაბამისად, აღნიშული პერიოდიდან ეს არხი აღარ იქნება კავკასუს ტვ–ის პაკეტების შემადგენლობაში. 
  • პროფილაქტიკური სამუშაოები!

    16.07.2013

    17 ივლისს, თანამგზავრებზე Eutelsat W4 და ABS1 დაგეგმილია ყოველწლიური პროფილაქტიკური სამუშაოები; აქედან გამომდინარე არხები, რომელთა ტრანსლირება კავკასუს ტვ–ზე ამ თანამგზავრების მეშვეობით ხდება, 02:00 სთ–დან – 12:00 სთ–მდე შესაძლოა იყოს მიუწვდომელი. ეს არხებია: Fox Crime, Fox Life, MTV,Comedy TV,Tiji,Gulli,TV 1000,TV 1000 action,TV 1000 Русское Кино,Viasat Explorer,Viasat History,Viasat Nature,Viasat Sport,Cartoon Network,Extreme Sports,Discovery Science,Discovery Channel,ID Discovery,Discovery World,Discovery HD Showcase,VH1,VH1 Classic,CBS Reality,CBS Drama,CNN,Euronews,Eurokino, TV XXI, Иллюзион +, Первый канал, Fox Life HD, Nickelodeon, Mezzo, Mezzo Live HD, RU TV, SET, Индия ТВ, Много ТВ, Комедия ТВ, MGM, Охота и рыбалка, Боец, Усадьба ТВ, Драйв, World Fashion, THT,  CTC, РБК, РЕН ТВ, Russia Today, RT Д,Культура, 365 Дней, Интересное ТВ, Animal Planet HD, Nat Geo,  Nat Geo HD, Nat Geo Wild.
  • დასრულდა ზაფხულის სერია ელიტარულ კლუბში რა? სად? როდის?

    08.07.2013

    6 ივლისს დასრულდა ზაფხულის სერია ელიტარულ კლუბში რა? სად? როდის?. “კავკასუს ონლაინი” მესამე წელია კლუბის პარტნიორია და თითოეულ თამაშზე მის რჩეულებს სპეციალური პრიზით – ფერადი ბარათით ასაჩუქრებს. ზაფხულის სერიაში 6 თამაში ითამაშეს კახა მაჩიტიძის, მათე მაყაშვილის, ალექსანდრე ლორთქიფანიძის, ლევან თოფურიძის და ნათია ქვაჩაკიძის გუნდებმა, ფინალში კი დავით სიჭინავას ექვსეულმა  ანგარიშით 6:4 გაიმარჯვა. ამ სერიაში კავკასუს ონლაინის ფერადი ბარათების ლაურეატები გახდნენ მოაზროვნეები: მათე მაყაშვილი, დავით სიჭინავა, ანა გიგუაშვილი და სანდრო რაჩკოვსკი; ასევე ტელემაყურებლები: შალვა სადღობელაშვილი, ნიკა მახარაძე და თამარ სხულუხია!  შემოდგომის სერია ინტელექტ კლუბში სექტემბერში დაიწყება.  

  • საზაფხულო აქცია კავკასუს ონლაინისგან!

    08.07.2013

    8 ივლისიდან კავკასუს ონლაინმა მომხმარებლებისათვის სპეციალური საზაფხულო აქცია დაიწყო: ყველა მომხმარებელი, ვინც ჩაერთვება კავკასუს ონლაინის ქსელში ივლისის განმავლობაში, 30 ლარად 100 მბ სიჩქარეს მიიღებს 2013 წლის ბოლომდე. ასევე ყველა მომხმარებელი, ვინც გადაწყვეტს ჩართოს ინტერნეტის პაკეტი „კარგი“ (20 ლ), 5 მბ–ის ნაცვლად  მიიღებს 20 მბ სიჩქარეს ასევე წლის ბოლომდე. ეს პირობები გავრცელდება ყველა იმ მომხმარებელზე, რომელიც 8 ივლისამდე არ სარგებლობდა კავკასუს ონლაინის მომსახურებით. სპეციალური საზაფხულო შეთავაზება კომპანიას უკვე არსებული მომხმარებლებისთვისაც აქვს: ფერად ბარათზე დაგროვილი ქულების გამოყენებით, პაკეტების – „ძალიან კარგი“, „უკეთესი“, „საუკეთესო“ – მფლობელები წლის ბოლომდე ასევე 100 მბ სიჩქარით ისარგებლებენ.  დეტალური ინფორმაციის მიღება აქციასთან დაკავშირებით შესაძლებელია საინფორმაციო სატელეფონო ცენტრში, ნომერზე 220 00 00. 

  • გაიფართოვე თვალსაწიერი: ჰოლივუდი ხელმისაწვდომია!

    04.06.2013

    კავკასუს ონლაინი პროექტის „ხელმისაწვდომი ჰოლივუდი. საქართველო 2013“ ინტერნეტ პარტნიორია.  პროექტს ბავშვთა და ახალგაზრდობის ცენტრი და ფესტივალი „კინემატოგრაფია ყველასათვის“ ახორციელებს. პროექტის ფარგლებში 4–16 ივნისს საქართველოს კრისტოფერ კოპოლა თავის ტექნიკურ-შემოქმედებით ჯგუფთან ერთად ეწვევა. ახალგაზრდების სხვადასხვა ასაკობრივი ჯგუფებისათვის 5 სახის კონკურსი გაიმართება: „ცირკის ზმანება“, მობილური ტელეფონის კონკურსი, ციფრული პორტრეტის კონკურსი, „მუსიკის პოეზია“ და  კინემატოგრაფისთა გამოწვევა. ამ კონკურსების ფარგლებში ახალგაზრდები კონკრეტულ დავალებებს კრისტოფერ კოპოლასგან მიიღებენ და სხვადასხვა ფილმებს გადაიღებენ, რასაც ფესტივალის ვებ გვერდზე ატვირთავენ (www.pahfest.org). ფესტივალის გამარჯვებული მსოფლიოს მასშტაბის ხმის მიცემით ვლინდება. კრისტოფერ კოპოლა 2006 წლიდან სათავეში უდგას არაკომერციულ ორგანიზაციას, რომელიც მიზნად ისახავს მსოფლიოს ნებისმიერ მოქალაქეს გაუღოს ჰოლივუდის კარი. შემოქმედებით–ტექნიკური ჯგუფი ამჯერად საქართველოში გამართავს  ტრენინგებს და ქართველ ახალგაზრდებს მუშაობის სპეციფიკას გაუზიარებს, გარდა ამისა ქართული პროდუქტის მსოფლიო მასშტაბით გატანა თითოეული გამარჯვებული ახალგაზრდის წინსვლას და მთელი ქვეყნის კინოინდუსტრიის განვითრებას  შეუწყობს ხელს. კავკასუს ონლაინი, ამ პროექტის პარტნიორობით  თავისი წვლილს შეიტანს ამ ახალგაზრდების პროფესიონალებად ჩამოყალიბების პროცესში.

  • კახა კალაძე და მეგობრები!

    30.05.2013

    კავკასუს ონლაინი კახა კალაძის გამოსამშვიდობებელი მატჩის ინტერნეტ პარტნიორია. მატჩი დინამო არენაზე 31 მაისს გაიმართება. "მილანის" შემადგენლობა ასეთია: სტეფანო ფიორი, სებასტიანო როსი, პაოლო მალდინი, ჯუზეპე პანკარო, დარიო სიმიჩი, მატეო ფლამინი, სერჟინიო, მასიმო ოდდო, რუი კოშტა, ჯანლუკა ძამბროტა, ზვონიმირ ბობანი, როკე ჯუნირი, ანდრეი შევჩენკო, ფედერიკო ჯუნტი, კრისტიან ვიერი, ფილიპო ინძაგი, მასიმო ამბროზინი, კარბონე, იბრაჰიმ ბა, ალბერტო ჯილარდინო. გუნდის მწვრთნელი კარლო ანჩელოტია. კალაძის მეგობრების გუნდში კი კალაძესთან ერთად შოთა არველაძე, გიორგი ქინქლაძე, მალხაზ ასათიანი, არჩილ არველაძე, ლევან კობიაშვილი, გიორგი დემეტრაძე, ფაბიო კანავარო, ალექსანდრე იაშვილი და ლევან ცქიტიშვილი ითამაშებენ, მწვრთნელები  ალექსანდრე ჩივაძე და ფათიჰ თერიმი არიან.
  • „კავკასუს ლინკი“ და „კავკასუს TV” უკვე ხელმისაწვდომია ქალაქ რუსთავში!

    16.05.2013

    „კავკასუს ლინკი“ და  „კავკასუს TV” უკვე ხელმისაწვდომია ქალაქ  რუსთავში. რუსთაველებს უკვე შეუძლიათ ისარგებლონ ინტერნეტის ახალი სტანდარტით: 5, 22, 40, 50 და 100 მბ/წმ სიჩქარის ოპტიკური ინტრენეტით და ასევე უმაღლესი ხარისხის კავკასუს TV-ით, რომელსაც აი პი ტელევიზიის სტანდარტული ფუნქციების (დაპაუზება, გადახვევა) გარდა, დაემატა გასართობი აპლიკაციები Facebook, Youtube, Google Maps, შესაბამისად  რუსთაველმა მომხმარებელმაც მიიღო სრულიად ახალი სერვისი - ინტერნეტი ტელევიზორში.  რუსთაველებს კავკასუს ონლაინმა განსაკუთრებული საჩუქარი გაუკეთა:   ყველა მომხმარებელს 1 თვის განმავლობაში საჩუქრად ექნება 40 მბ/წმ ინტერნეტი! რუსთავში კარგი ინტერნეტია! 
  • ცვლილებები კავკასუს TV-ის პაკეტებში!

    15.05.2013

    15 მაისიდან გარკვეული ცვლილებები განხორციელდება  კავკასუს ტვ–ის პაკეტებში: პაკეტს „კარგი“ დაემატება ახალი ამბების ინგლისურენოვანი  იაპონური არხი  NHK World და ასევე ინგლისურენოვანი რუსული არხი RT-Russia Today. გარდა ამისა, პაკეტს „რუსული“ დაემატება რუსული ბიზნეს არხი РБК, ხოლო ძირითად პაკეტს „კარგი“ (მხოლოდ ახალი პაკეტების მფლობელებისათვის) ინგლისურენოვანი დოკუმეტური არხი RTД – Russia Today Documentary. კავკასუს ტვ და GMG მომხმარებელს კიდევ ერთ სიახლეს სთავაზობს:  ყველა მომხმარებელს,  ვისაც აქვს დამატებითი პაკეტი GMG+ ან  H3D,  1 სექტემბრამდე სატესტო რეჟიმში დაემატება ახალი არხი GMG HD, ამ არხზე დღეს 22.45 სთ–ზე ფეხბურთის მოყვარულებს შეუძლიათ ნახონ უეფას ლიგის თასის ფინალი HD ხარისხით!  
  • VICTORIA

    11.04.2013

    კავკასუს ონლაინის მხარდაჭერით, საქართველოს ეროვნული მუზეუმის დიმიტრი შევარდნაძის სახელობის ეროვნული გალერეის საგამოფენო სივრცეში „გალა გალერეა“ გამოფენა “VICTORIA”–ს წარმოადგენს. გამოფენაზე  სამი ქართველი მხატვრის – უშანგი ხუმას, ოლეგ ტიმჩენკოსა და ვახო ბუღაძის ნამუშევრებია წარმოდგენილი. სამივე მხატვრის პროექტი, 50 მასშტაბური ტილო ერთმანეთისაგან განსხვავდება როგორც კონცეფციით, ისე მკვეთრად განსხვავებული ხელწერით. უშანგი ხუმა დამთვალიერებელს ტორსების სერიას სთავაზობს, ვახო ბუღაძის ნამუშევრებს საერთო სახელწოდება აქვთ „თბილისის იპოდრომი“, ხოლო ოლეგ ტიმჩენკოს ნამუშევრებს „ომი და მშვიდობა“.  ამ პროექტებზე მხატვრები თითქმის ერთი წელიწადი მუშაობდნენ. პროექტის სათაური „VICTORIA“ ოლეგ ტიმჩენკოს ერთერთი ნამუშევრის სახელწოდებიდანაა აღებული. ნამუშევრები გალერეაში 5 მაისამდე დარჩება.


  • ახალი აქცია კავკასუს ონლაინისგან!

    13.03.2013

    13 მარტიდან კავკასუს ონლაინმა ერთგული მომხმარებლებისათვის ახალი აქცია დაიწყო. მომხმარებლებს შეუძლიათ მნიშვნელოვნად გაზარდონ ინტერნეტის სიჩქარე 6 თვით თუ გადავლენ შემდეგ პაკეტზე, რომელიც ინტერნეტის უფრო მაღალ სიჩქარეს ითვალიწინებს  და პაკეტებს შორის სხვაობაზე ყოველთვიურად 50%–იან ფასდაკლებას მიიღებენ.  პაკეტის „კარგი“ (5მბ) მომხმარებლებს შეუძლიათ  გააქტიურონ პაკეტი „ძალიან კარგი“  და 6 თვის განმავლობაში 4 ჯერ მეტი სიჩქარე მიიღონ სააბონენტო გადასახადზე მხოლოდ 5 ლარის დამატებით. პაკეტის „ძალიან კარგი“ (22მბ) მომხმარებლებს შეუძლიათ გაააქტიურონ პაკეტი „უკეთესი“  და 6 თვის განმავლობაში ისარგებლონ 40 მბ სიჩქარით სააბონენტო გადასახადზე მხოლოდ 5 ლარის დამატებით. პაკეტის „უკეთესი“ (40მბ) მომხმარებლებს შეუძლიათ გაააქტიურონ პაკეტი „საუკეთესო“  და 6 თვის განმავლობაში ისარგებლონ 50 მბ სიჩქარით სააბონენტო გადასახადზე მხოლოდ 5 ლარის დამატებით. პაკეტის „საუკეთესო“ (50მბ) მომხმარებლებს შეუძლიათ 6 თვის განმავლობაში გაზარდონ სიჩქარე 100 მბ–მდე სააბონენტო გადასახადზე 25 ლარის დამატებით და ისარგებლონ პაკეტით „ულიმიტო“! მომხმარებლებმა არჩევანი 13 აპრილამდე უნდა გააკეთონ. აქცია ვრცელდება 2013 წლამდე ჩართულ  მომხმარებლებზე, რომლებიც მხოლოდ ინტერნეტით სარგებლობენ. 
  • განახლებული კავკასუს TV – ინტერნეტი ტელევიზიაში!

    15.02.2013

    15 მარტიდან კავკასუს ონლაინი მომხმარებელს განახლებულ კავკასუს ტვ-ის სთავაზობს და ამით ბაზარზე ტელევიზიის მოხმარების ახალ სტანდარტს ნერგავს. თუ აქამდე ეს ტელევიზია მხოლოდ სხვადასხვა არხებისა და გადაცემების ყურების საშუალება იყო გადახვევის ფუნქციით,  ახლა კავკასუს ტვ ახალი, მრავალფუნქციური პროდუქტია, რომელიც უფრო გამარტივებული და მოსახერხებელია, უფრო ინტერაქტიულია და  გართობის საშუალებასაც წარმოადგენს. ეს არის არა მხოლოდ ინტერნეტი ტელევიზიაში, არამედ სხვადასხვა გასართობი აპლიკაციები, რომლებიც ეტაპობრივად დაემატება ახალ კავკასუს ტვ–ს. თვისობრივად განახლდა ტელევიზიის პაკეტებიც და ამჟამად არსებობს ორი ძირითადი პაკეტი: – „ქართული+“ და „კარგი“ და ასევე რამდენიმე თემატური პაკეტი: „რუსული“, „GMG + სპორტი“, “H3D”, რაც მომხმარებელს საშუალებას აძლევს აირჩიოს მისთვის სასურველი არხების ნაკრები. 15 მარტამდე მომხმარებლებს შეუძლიათ ჩართონ კავკასუს ტვ–ის ახალი ვერსია და ამ პერიოდში ისარგებლონ ტარიფით რომლითაც აქამდე სარგებლობდნენ, ხოლო ტარიფის ცვლილება მოხდება მხოლოდ 15 მარტს. რაც შეეხება არხების შემადგენლობას, მომხმარებელს შეუძლია სურვილის მიხედვით დაიტოვოს ის პაკეტი, რომლითაც სარგებლობდა ცვლილებამდე, ან აირჩიოს არხების ახალი ნაკრები განახლებული პაკეტებიდან.
  • ფერადი ბარათი - საახალწლო საჩუქარი კავკასუს ონლაინისგან!

    09.01.2013

    2013 წლიდან კავკასუს ლინკის მომხმარებლები გადახდილი სააბონენტო გადასახადის შესაბამის ქულებს ვირტუალურ ფერად ბარათზე დააგროვებენ.  კავკასუს ლინკითა და ორმაგი შეთავაზებით სარგებლობის შესაბამისი სააბონენტო გადასახადის ყოველი გადახდილი ერთი ლარი 0,75 ქულის ექვივალენტია, ხოლო პაკეტის – „კარგი“ და/ან „კარგი+კავკასუს ტვ“ –  შემთხვევაში 0,5 ქულის. 14 იანვრიდან, დაგროვილი ქულებით მომხმარებლებს სხვადასხვა კავკასუს ონლაინის მომსახურების შეძენა შეუძლიათ. ვირტუალურ ფერად ბარათზე დაგროვილი ყოველი 9 ქულა 1 ლარის ექვივალენტია. ამ ეტაპზე ქულებით  მომხმარებელს შეუძლია შეიძინოს ანტივირუსი, გადაიხადოს ინსტალაციის საფასური იმ შემთხვევაში თუ ცვლის პაკეტს უფრო დაბალფასიან პაკეტზე, გადაიხადოს ერთი თვის სააბონენტო გადასახადი, შეიძინოს ინტერნეტის უფრო მაღალფასიანი პაკეტი, კავკასუს ტვ–ის მომხმარებლებსაც შეუძლიათ ქულებით შეიძინონ ტელევიზიის მაღალფასიანი პაკეტი. კავკასუს ონლიანი გილოცავთ შობა–ახალ წელს!

  • დაიცავით კომპიუტერი საიმედო ანტივირუსით!

    25.12.2012

    კავკასუს ონლაინის ყველა მომხმარებელს კომპანიის კორპორატიულ ვებ გვერდზე თავისი პირადი სივრცე აქვს; პირადი სივრცით სარგებლობისათვის მომახმარებელი www.co.ge-ზე გაააქტიურებს ბმულს „პირადი სივრცე“ და შეავსებს მოთხოვნილ ინფორმაციას, რის შემდეგაც იგი ამ ვებ გვერდზე დარეგისტრირებულად ითვლება. პირად სივრცეში მომხმარებელს აქვს შესაძლებლობა ნახოს კავკასუს ონლაინის რომელი სერვისებით სარგებლობს, მიიღოს დეტალური ფინანსური ინფორმაცია მის ანგარიშის შესახებ, გაეცნოს გადახდების ისტორიას და გადაიხადოს სააბონენტო გადასახადი. პირადი სივრციდან კავკასუს ონლაინის მომხმარებელს დღეიდან აქვს შესაძლებლობა შეუკვეთოს, 1 თვიანი საცდელი ვადით ისარგებლოს და სურვილის შემთხვევაში შეიძინოს ანტივირუსების – ESET და BitDefender–ის აქტივაციის მონაცემები. დეტალური ინფორმაცია და ინსტრუქცია ხელმისაწვდომია კავკასუს ონლაინის კორპორატიული ვებ გვერდის განყოფილებაში „სერვისები“.
  • კავკასუს ონლაინის განცხადება გიორგი რატიშვილის მიერ ამა წლის 6 ნოემბერს გავრცელებულ ჩანაწერთან დაკავშირებით

    06.11.2012

    კავკასუს ონლაინის, როგორც სატელეკომუნიკაციო კომპანიის საქმიანობა საქართველოს კომუნიკაციების ეროვნული კომისიის მიერ რეგულირდება; საქმიანობის პროცესში კომპანიის წარმომადგენლები სისტემატურად ხვდებიან  როგორც კომისიის თავმჯდომარეს,  ისე სხვა თანამშრომლებს; გიორგი რატიშვილის მიერ  დღეს გამოქვეყნებული მასალა ამა წლის აპრილში შემდგარი ერთერთი ასეთი შეხვედრის  აუდიო ჩანაწერია; კონკრეტულ შეხვედრაზე განიხილებოდა კავკასუს ონლაინის მიერ რეტრანსლირებული არხების ხელშეკრულებების საკითხი; კავკასუს ონლაინი არხების რეტრანსლირებას ახორციელებს უფლებამოსილ კომპანიებთან გაფორმებული შესაბამისი ხელშეკრულებების საფუძველზე; თუმცა,  დამკვიდრებული წესია, რომ ზოგიერთი უცხოური არხის ჩართვა ხელშეკრულების გაფორმებამდე უფლებამოსილი კომპანიის თანხმობით ხდება სატესტო რეჟიმში; ამ პერიოდში მხარესთან მიმდინარეობს კომერციულ და ტექნიკურ პირობებზე შეთანხმების პროცესი, რომლის დასრულების შემდგომ, ხდება კონკრეტულ არხთან ხელშეკრულების გაფორმება; რამდენიმე არხთან დაკავშირებით, კავკასუს ონლაინმა ვერ უზრუნველყო ხელშეკრულებების დროულად წარდგენა კომისიაში, რის გამოც კომპანიამ მიიღო გაფრთხილება (2012 წლის 10 აპრილის გადაწყვეტილება N284/18); იქიდან გამომდინარე, რომ ზოგიერთი არხის წარმომადგენლობა არ არის საქართველოში, დოკუმენტაციის, მათ შორის ხელშეკრულებების მიღებისა და გაგზავნის პროცესი გარკვეულ პერიოდს მოითხოვს – სწორედ ეს გახდა პირველ შემთხვევაში  ხელშეკრულებების წარდგენის შეფერხების მიზეზი – თუმცა გაფრთხილების შემდეგ მოთხოვნილი ხელშეკრულებების დიდი ნაწილი კომპანიის მიერ წარდგენილ იქნა კომისიაში –  და მეორე შემთხვევაში კომპანიის 30 000 ლარით დაჯარიმების საფუძველი (2012 წლის 12 ოქტომბრის გადაწყვეტილება N 662/18);

    დღეისათვის, ყველა იმ სატელევიზიო არხზე, რომლის რეტრანსლირება ხორციელდება კავკასუს ონლაინის ქსელის მეშვეობით კომპანიას აქვს  ლეგალური უფლება გამყარებული შესაბამისი ხელშეკრულებით, ხოლო სატესტო რეჟიმში ჩართულ რამდენიმე არხზე  უფლებამოსილი კომპანიების თანხმობა ამ მაუწყებლობაზე;  ხოლო ის არხები, რომელთა უფლებამოსილ წარმომადგენლებთან კომპანიამ ვერ მიაღწია შეთანხმებას, ამოღებულია გავრცელების ქსელიდან;  

    აქვე განვმარტავთ, რომ კავკასუს ონლაინი არცერთ დროსა და ვითარებაში არ ცდილობს თავი აარიდოს საქმიანობისას წარმოქმნილი შესაძლო გადაცდომების დროს წარმოშობილ პასუხისმგებლობას და  საქმიანობას წარმართავს საქართველოს მოქმედი კანონმდებლობის მოთხოვნათა დაცვით;       

  • სტაჟირების პროგრამის პრეზენტაცია თავისუფალ უნივერსიტეტში!

    24.10.2012

     კავკასუს ონლაინის წარმომადგენლებმა კომპანიაში დაწყებული სტაჟირების პროგრამა ამჯერად თავისუფალი უნივერსიტეტის სტუდენტებს გააცნეს; პირველ ეტაპზე სტაჟირების პროგრამა მოქმედებს ხუთ პოზიციაზე: ტექნიკოსი (ინსტალატორი), ტექნიკური მხარდაჭერის ინჟინერი, მომხმარებელთა სატელეფონო მომსახურების ცენტრის ოპერატორი, პროგრამისტი და სისტემური ადმინისტრატორი; სტაჟიორების შერჩევა  გასაუბრებით ხდება, შემდეგ კი შერჩეული კანდიდატები  შესაბამის პოზიციებზე ნაწილდებიან. სტაჟირების ხანგრძლივობა 20–30 სამუშაო დღეა და უნივერსიტეტში  სწავლის გრაფიკსაა მორგებული;   სტაჟირების პერიოდში სტუდენტები სწავლობენ კონკრეტულ პოზიციაზე საქმიანობის შესასრულებელ აუცილებელ ფუნქციებს, ასევე ამ პერიოდში ხდება  პრაქტიკული უნარ–ჩვევების გამომუშავებაც; წარმატებული სტაჟიორები ხვდებიან განსახილველ სიაში, ე.წ. „Short List“-ში და ვაკანსიის გამოცხადებისას კომპანიაში არსებული შერჩევის პროცედურების წარმატებით გავლის შემთხვევაში ხდება მათთვის სამსახურის შეთავაზება! კავკასუს ონლაინი  წარმატებებს უსურვებს სტუდენტებს!
  • სტაჟირების პროგრამის პრეზენტაცია თბილისის სახელმწიფო უნივერსიტეტში!

    22.10.2012

    წარმატებული სტუდენტებისათვის სტაჟირების პროგრამის პრეზენტაცია დღეს თბილისის სახელმწიფო უნივერსიტეტში გაიმართა; კავკასუს ონლაინის წარმომადგენლებმა  თსუ–ს სტუდენტებს პროგრამა გააცნეს და მათ კითხვებს უპასუხეს; სტაჟირების პროგრამა 5 სხვადასხვა პოზიციაზე ვრცელდება და ყველა არსებული პროცედურის გავლის შემდეგ, სტუდენტებისათვის დასაქმების რეალურ შესაძლებლობას გულისხმობს; კავკასუს ონლაინი  წარმატებებს უსურვებს თბილისის სახელმწიფო ინივერსიტეტის სტუდენტებს! 
  • კავკასუს ონლაინი სტაჟირების პროგრამას აგრძელებს!

    17.10.2012

     წარმატებული სტუდენტებისათვის სტაჟირების პროგრამა გრძელდება. დღეს კომპანიის წარმომადგენლები საქართველოს ტექნიკურ უნივერსიტეტს ესტუმრნენ, დაინტერესებულ სტუდენტებს შეხვდნენ და მათ  სტაჟირების პროგრამა გააცნეს. სტუდენტებისათვის კომპანიაში 5 სხვადასხვა პოზიციაზე სტაჟირების მოქნილი განრიგი დგება; სტაჟიორების შერჩევა  გასაუბრებით ხდება, შემდეგ კი შერჩეული კანდიდატები  შესაბამის პოზიციებზე გადანაწილდებიან. წარმატებული სტაჟიორები ხვდებიან განსახილველ სიაში, ე.წ. „Short List“-ში და ვაკანსიის გამოცხადებისას კომპანიაში არსებული შერჩევის პროცედურების წარმატებით გავლის შემთხვევაში  მათთვის სამსახურის შეთავაზება ხდება! კავკასუს ონლაინი  წარმატებებს უსურვებს სტუდენტებს! 

  • 18–21 ოქტომბერს თელავი მუსიკის საერთაშორისო ფესტივალს მასპინძლობს!

    15.10.2012

     კავკასუს ონლაინი წელს უკვე მეორედ არის მუსიკის საერთაშორისო ფესტივალის გენერალური სპონსორი; ფესტივალს ტრადიციულად თელავი მასპინძლობს და საქართველოს კულტურისა და ძეგლთა დაცვის სამინისტროს მხარდაჭერით და “კლასიკური მუსიკის დაცვის, განვითარებისა და პოპულარიზაციის ცენტრის” ორგანიზებით იმართება;. ფესტივალის დამფუძნებელი და გენერალური სამხატვრო ხელმძღვანელია ელისო ვირსალაძე. სწორად, ამ გამოჩენილი ქართველი პიანისტის საკონცერტო მოღვაწეობის 50 წლისთავს ეძღვნება წლევანდელი ფესტივალი.18, 20 და 21 ოქტომბერს მსმენელის წინაშე წარსდგებიან ელისო ვირსალაძე, ნატალია გუტმანი, ლუკას ნიკოლაი ბლაჰერი, ინგოლფ ტურბანი და ედუარდ ბრუნერი. საფესტივალო საღამოებზე სრულდება მრავალფეროვანი პროგრამა, რომელშიც შესულია მსოფლიო კლასიკური მუსიკის შედევრები. საქართველოში პირველად შესრულდება რობერტ შუმანის სავიოლინო კონცერტი. კავკასუს ონლაინი ინტერნეტში სამივე საფესტივალო საღამოს პირდაპირ ტრანსლირებას უზრუნველყოფს;  
  • კავკასუს ონლაინმა წარმატებული სტუდენტებისთვის სტაჟირების პროგრამა დაიწყო!

    09.10.2012

     კავკასუს ონლაინი წარმატებულ სტუდენტებს კომპანიაში სტაჟირებისა და შემდგომში დასაქმების შანსს აძლევს. სწორედ ამ მიზნით, დღეს კავკასიის უნივერსიტეტის ტექნოლოგიური სკოლის სტუდენტებს კომპანიის წარმომადგენლები შეხვდნენ. სტაჟიორების შერჩევა  გასაუბრებით ხდება, შემდეგ კი შერჩეული კანდიდატები  შესაბამის პოზიციებზე გადანაწილდებიან. სტაჟირების ხანგრძლივობა 20–30 სამუშაო დღეა. ამ პერიოდის განმავლობაში სტუდენტებისთვის დგება სპეციალური მოქნილი სტაჟირების განრიგი, რომ მათ სწავლისა და სტაჟირების შეთავსების შესაძლებლობა ჰქონდეთ. პირველ ეტაპზე სტაჟირების პროგრამა მოქმედებს ხუთ პოზიციაზე: ტექნიკოსი (ინსტალატორი), ტექნიკური მხარდაჭერის ინჟინერი, მომხმარებელთა სატელეფონო მომსახურების ცენტრის ოპერატორი, პროგრამისტი და სისტემური ადმინისტროტორი;  სტაჟირების პერიოდში სტუდენტები სწავლობენ კონკრეტულ პოზიციაზე საქმიანობის შესასრულებელ აუცილებელ ფუნქციებს, გარდა ამისა, სტაჟირების პერიოდში ხდება  პრაქტიკული უნარ–ჩვევების გამომუშავებაც; წარმატებული სტაჟიორები ხვდებიან განსახილველ სიაში, ე.წ. „Short List-ში და ვაკანსიიც გამოცხადებისას კომპანიაში არსებული შერჩევის პროცედურების წარმატებით გავლის შემთხვევაში ხდება მათთვის სამსახურის შეთავაზება! კავკასუს ონლაინი  წარმატებებს უსურვებს სტუდენტებს!
  • ტელეკომპანია THT-ს მაუწყებლობა დროებით შეჩერდა

    31.08.2012

    31 აგვისტოდან კავკასუს ონლაინმა მისგან დამოუკიდებელი მიზეზების გამო შეაჩერა ტელეკომპანია THT-ს მაუწყებლობა კავკასუს ტვ–ის პაკეტებში; ამ ცვლილების მიზეზი გახდა რეგიონში ამ არხის ოფიციალურ წარმომადგენელსა და თავად არხს შორის წარმოქმნილი სამართლებრივი პრობლემა, რომლის გადასაჭრელად მხარეები მუშაობენ; იმედს ვიტოვებთ, უახლოეს მომავალში კავკასუს ონლაინს მიეცემა საშუალება აღადგინოს  THT-ს მაუწყებლობა;   
  • კავკასუს ონლაინის დიდი თასი – რა? სად? როდის? ბათუმში

    25.07.2012

    „სამხრეთ კავკასიის ჩემპიონატი ინტელექტუალურ თამაშში რა? სად? როდის?“ გაფართოვდა და წელს, 27–29 ივლისს ბათუმში „შავი ზღვის პირველი ღია ჩემპიონატის“ სახელით  გაიმართება; ისევე როგორც გასულ წელს, ამჯერადაც ჩემპიონატზე კავკასუს ონლაინის დიდი თასი გათამაშდება. წელს ფესტივალში 50–ზე მეტი გუნდი მონაწილეობს – თუ აქამდე ერთმანეთს ერკინებოდნენ მოაზროვნეები საქართველოდან, სომხეთიდან და აზერბაიჯანიდან, წელს კავკასუს ონლაინის დიდი თასისთვის ბრძოლაში მათ შემოუერთდებიან  გუნდები რუსეთიდან და უკრაინიდან;  გუნდები ერთდროულად უპასუხებენ 72 კითხვას, შემდეგ კი წარმომადგენლობითი ჟიური გამარჯებულს გამოავლენს; წელს ჟიურის ხელმძღვანელობს რა? სად? როდის? მაგისტრი ალექსანდრ დრუზი, ხოლო ჟიურის შემადგენლობაში არიან ბროლის ბუს მფლობელები ალეს მუხინი და ალექსანდრ რუბინი; წარმატებას ვუსურვებთ ჩვენს მოაზროვნეებს!
  • სტუდენტური ბარათი

    03.07.2012

    სპეციალური ფასდაკლება სტუდენტებისათვის! კავკასუს ონლაინი სტუდენტებს სპეციალურ ფასდაკლებას სთავაზობს: სტუდენტური ბარათის მფლობელებს კავკასუს ონლაინის ინტერნეტ პაკეტზე „კარგი“ 15%–იანი ფასდაკლება აქვთ და მათთვის პაკეტის ინსტალაცია უფასოა. პაკეტი „კარგი“ 5 მგბ სიჩქარის ინტერნეტს ითვალისწინებს;

     

    საქართველოს პრეზიდენტის ინიციატივით 2012 წლის ივლისიდან ყველა ავტორიზებული უმაღლესი სასწავლებლის სტუდენტს შეუძლია სტუდენტური ბარათით სარგებლობა; სტუდენტები სხვადასხვა სახის ფასდაკლებით სახელმწიფო სტრუქტურებში და კერძო კომპანიებში სარგებლობენ; სტუდენტური ბარათის აღება ავტორიზებული უმაღლესი სასწავლებლების სტუდენტებს სამოქალაქო რეესტრის ტერიტორიულ სამსახურებში შეუძლიათ;


  • ქალაქში კარგი ინტერნეტია!

    22.05.2012

    კავკასუს ონლაინი მნიშვნელოვნად ზრდის ინტერნეტის სიჩქარეს, კავკასუს ონლაინმა ინტერნეტის მომხმარებლებს საუკეთესო შეთავაზება გაუკეთა – ამ თემაზე დღეს პრესკონფერენცია თბილისი მარიოტში გაიმართა; ამიერიდან, კავკასუს ონლაინის არსებული და ახალი მომხამრებლები უპირობოდ მიიღებენ ქართულ ბაზარზე ინტერნეტის ყველაზე მაღალ სიჩქარეს, რაც თვისობრად შეცვლის ინტერნეტის მოხმარების არსებულ კულტურას. დღეიდან, ნებისმიერი პაკეტის მფლობელი მნიშვნლოვნად გაიუმჯობესებს ინტერნეტით სარგებლობის პირობებს. მინიმალური პაკეტის მფლობელიც კი ინტერნეტში სამუშაო ყველა ძირითად მოთხოვნას დაიკმაყოფილებს, რამდენადაც მინიმალური სიჩქარე 4 მეგაბიტამდე იზრდება, რასაც მოყვება 10მბ, 20მბ, 40მბ და 100 მბ სიჩქარის ინტერნეტი; "კავკასუს ონლაინი საქართველოში ინტერნეტის ახალი სტანდარტების დამკვიდრებით მომხმარებლებს ინტერნეტით სარგებლობის ახალ შესაძლებლობებს აძლევს; ჩვენი არსებული მომხმარებლები იგივე ფასად გაცილებით მაღალი სიჩქარის ინტერნეტით ისარგებლებენ; ახალ მომხმარებლებსაც დიდი არჩევანი აქვთ; რაც მთავარია ეს ცვლილება არ არის დროებითი, კავკასუს ონლაინმა ქართულ ბაზარზე ინტერნეტის მოხმარების სრულიად ახალი კულტურა შემოიტანა; მომხმარებლებისათვის სწორედ ამ შეთავაზების ფორმირებას, შესაბამისად ინფრასტრუქტურის განვითარებას ესმახურებოდა ქალაქში მიმდინარე ტექნიკური სამუშაოებიც;“ – აცხადებს კავკასუს ონლაინის აღმასრულებელი დირექტორი ლევან ხუნდაძე. თვისობრივად ახალი პროსუქტის შეთავაზების გზით კავკასუს ონლაინი ბაზარზე ლიდერის პოზიციას ინარჩუნებს და ახალი თამაშის წესებს ამკვიდრებს.
  • მერკური 2012

    08.05.2012

    საქართველოს ეკონომიკისა და მდგრადი განვითარების სამინისტროსა და საქართველოს საინვესტიციო სააგენტოსთან ერთად კავკასუს ონლაინი წელს უკვე მეორედ არის ყველაზე მასშტაბური ბიზნეს დაჯილდოვების, მერკურის თანაორგანიზატორი და მთავარი პარტნიორი; წელს ნომინაციების რიცხვი 18-მდე გაიზარდა, მონაწილეობის სურვილი კი 300-მდე კომპანიამ გამოთქვა; „მერკური“ საზოგადოებას იმ ადამიანებსა და კომპანიებს აცნობს, რომლებსაც ბიზნესის განვითარებაში შეაქვთ წვლილი, ხდება ბიზნეს სექტორის წახალისება, ახალი იდეების აღმოჩენა – ეს ყველაფერი კი თავის მხრივ ხელს უწყობს ბიზნესის სფეროს განვითარებას; „მერკური 2012“–ის დაჯილდოვების ცერემონია 11 მაისს „ექსპო ჯორჯიას“ ახალ პავილიონში გაიმართება; კავკასუს ონლაინი მონაწილე კომპანიებს წარმატებას უსურვებს!
  • კავკასუს ონლაინი ინტელექტ კლუბის 2012 წლის სეზონის გენერალური სპონსორია!

    01.05.2012

    კავკასუს ონლაინი აგრძელებს ინტელექტის განვითარების მიმართულებით მიმდინარე პროექტების მხარდაჭერას და ინტელექტ კლუბის „რა? სად? როდის?“ მეხუთე, საიუბილეო სეზონის გენერალური სპონსორია; კომპანიამ თამაშების ამ სეზონზე განსხვავებული პრიზი დააწესა; ყოველ ოთხშაბათს კავკასუს ონლაინის წარმომადგენელი რუსუდან კაპანაძე კომპანიის რჩეულს დაასახელებს და „ფერადი ბარათით“ დაასაჩუქრებს; ფერადი ბარათი სასაჩუქრე ბარათია, რომელზეც 400 ლარია დარიცხული; მფლობელს შეუძლია ისარგებლოს კავკასუს ონლაინის მისთვის სასურველი ნებისმიერი პროდუქტით – ოპტიკური ინტერნეტით, აი პი ტელევიზიით, საერთაშორისო ზარების ოპერატორი 10-07–ით ან სხვადასხვა პროდუქტების კომბინაციით; ხოლო ვინც გასულ სეზონზე გახდა ან უკვე იყო კავკასუს ონლაინის მომხმარებელი, ის გაიუმჯობესებს პირობებს, დაიმატებს სხვა პროდუქტებს და ა.შ.; ფინალურ თამაშებზე კავკასუს ონლაინი 1000 ლარიან ფერად ბარათს გაათამაშებს;
  • ცვლილებები კავკასუს TV-ის პაკეტებში!

    12.04.2012

    2012 წლის აპრილიდან იცვლება კავკასუს TV-ს არხების შემადგენლობა, კერძოდ: 2012 წლის 13 აპრილიდან Disney Channel-ს შეცვლის შემეცნებითი არხი Da Vinci Learning, ასევე Sky Sport 24-ს ჩაანაცვლებს კინო არხი Иллюзион +, ხოლო არხს Redlight HD - 18+ არხი Русская ночь. 2012 წლის 27 აპრილიდან ICTV-ს შეცვლის უკრაინული არხი Интер+. არხები Кинопоказ 1 HD, Кинопоказ 2 HD, Женский Мир HD, Телепутешествия HD, HD Кино, HD1 3D, 3D by Panasonic და Arte HD გაითიშება და უახლოეს მომავალში შეიცვლება ალტერნატიული არხებით.
  • საერთაშორისო სატელეფონო კოდს 8-07 შეცვლის 10-07

    06.01.2012

    2012 წლის 11 იანვრიდან საქართველოში 8XX ფორმატის სამნიშნა კოდები იცვლება 10XX ფორმატის ოთხნიშნა კოდებით; შესაბამისად 8-07 შეიცვლება 10-07-ით; საზღვარგარეთ დარეკვის წესი იქნება: 10-07-00, შემდეგ ქვეყნის კოდი და ნომერი; საქართველოს მობილურ ოპერატორებთან დაკავშირების წესი იქნება: 10-07-0, შემდეგ ნომერი. ყველა ტარიფი და ფასდაკლება, რომელიც ვრცელდებოდა 8-07-ის მომხმარებლებზე, ძალაში რჩება.
  • თამთა ცხვიტავა - "კავკასუს ონლაინისა" და "ბრავო რექორდს-ის" პირველი ერთობლივი პროექტი

    23.12.2011

    თამთა ცხვიტავა "კავკასუს ონლაინისა" და "ბრავო რექორდსის" პარტნიორობის ფარგლებში პირველი ერთობლივი პროექტია; ხმის ჩამწერმა კომპანიამ „ბრავო რექორდსმა“, რომელთან ერთად „კავკასუს ონლაინი“ ლიცენზირებული მუსიკის პირველი დიდი პორტალის მომზადებაზე მუშაობს, თამთასთან 5 წლიანი კონტრაქტი გააფორმა; ეს არის პირველი შემთხვევა საქართველოში, როდესაც ყველასთვის უცნობი მომღერლის ფრომოუშენი შედგება დასავლეთის ქვეყნების მუსიკალურ ინდუსტრიაში დამკვიდრებული სტანდარტების შესაბამისად. თამთა ცხვიტავას სადებიუტო ალბომში სახელწოდებით „დასაწყისი“ სპეციალურად მისთვის შექმნილი სიმღერები და რამდენიმე უცხოური სინგლის Cover- შესული; ალბომი გაყიდვაში 2012 წლის იანვარში გამოვა; სადებიუტო ალბომის "დასაწყისი"–ს პრეზენტაციის ექსკლუზიურ Live ჩვენებას ინტერნეტში „კავკასუს ონლაინი“ უზრუნველყოფს;
  • საქართველოს ელექტრონული საკომუნიკაციო ქსელების აბონენტების საყურადღებოდ!

    13.12.2011

    გაცნობებთ, რომ საქართველოს ელექტრონული საკომუნიკაციო ქსელების ნუმერაციის ეროვნული სისტემის დანერგვასთან დაკავშირებით მიმდინარე წლის 14 დეკემბრიდან ქვეყნის ფიქსირებულ და მობილურ სატელეფონო ქსელებში მოქმედი პრეფიქსი - ”8” შეიცვლება და ამოქმედდება ეროვნული პრეფიქსი - ”0” და საერთაშორისო პრეფიქსი - ”00”, შეიცვლება საქალაქთაშორისო და საერთაშორისო სატელეფონო კავშირით მომსახურების უზრუნველმყოფი საოპერატორო კომპანიების 8XX ფორმატის კოდები, ახალი 10XX ფორმატის კოდებით მაგალითად: 8-07 შეიცვლება 10-07 -ით, 8-10 შეიცვლება 10-10 -ით, 8-11 შეიცვლება 10-11 -ით, 8-16 - შეიცვლება 10-16 -ით, 8-18 შეიცვლება 10-18 -ით და ა.შ.
  • IP ტელევიზია დიდ დიღომსა და მოსკოვის გამზირზეა

    11.08.2011

    IP ტელევიზია უკვე ხელმისაწვდომია დიდ დიღომში და მოსკოვის გამზირზე, ასევე ქინძმარაულის ქუჩაზე და მის შესახვევებში, მარელისის, ოცხელის და ნაკადულის ქუჩებზე. ამ უბნებში დასრულდა მიწისქვეშა ოპტიკურ ბოჭკოვანი ქსელის მოწყობა და მომხმარებლებს ინტერნეტი ახალი ტექნოლოგიით მიეწოდებათ; ორმაგი შეკვეთისას (ინტერნეტი+ტელევიზია) მომხმარებელი პროდუქტებზე სპეციალურ ფასს იღებს! ინტერნეტისა და IP ტელევიზიის სასურველი პაკეტის შერჩევა შესაძლებელია ჩვენს ვებ გვერდზე. დიდი დიღმისა და მოსკოვის გამზირის გარდა, ამ დროისთვის IP ტელევიზიით სარგებლობა შეუძლიათ ვაკის, დიდუბის, დიღმის მასივის და ბოგდან ხმელნიცკის გამზირის მცხოვრებლებს. გაიგეთ როდ ის იქნება ეს პროდუქტი ხელმისაწვდომი თქვენთვის – შეიყვანეთ თქვენი მისამართი სპეციალურ ველში!
  • კავკასუს ონლაინის თასი გათამაშდა

    09.08.2011

    29-31 ივლისს ბათუმში სამხრეთ კავკასიის მე–13 ჩემპიონატი ჩატარდა ინტელექტუალურ თამაშში „რა? სად? როდის?“, წელს ფესტივალი ყველაზე მასშტაბური იყო და მასში 52–მა გუნდმა მიიღო მონაწილეობა. გუნდებმა 2 დღის განმავლობაში 72 კითხვას უპასუხეს; ფესტივალს ჰყავდა ავტორიტეტული ჟიური, რომლის შემადგენლობაში იყვნენ „ბროლის ბუს“ მფლობელები: ალექსანდრ რუბინი (მოსკოვი), ილია ნოვიკოვი (მოსკოვი), ელენა პოტანინა (ოდესა); ჟიურის ყველა დროის უძლიერესი მოაზროვნე ალექსანდრ დრუზი ხელმძღვანელობდა; ჩემპიონატში გამარჯვებულ ფაიკ ჰუსეინოვის აზერბაიჯანულ გუნდს კავკასუს ონლაინის გარდამავალი თასი ერთი წლით გადაეცა;
  • "კავკასუს ონლაინის" დიდი თასი ინტელექტუალურ თამაშში "რა? სად? როდის?" სამხრეთ კავკასიის მე-13 ჩემპიონატზე ბათუმში გათამაშდება!

    28.07.2011

    29-31 ივლისს ბათუმში სამხრეთ კავკასიის მე-13 ჩემპიონატი ტარდება ინტელექტუალურ თამაშში „რა? სად? როდის?“. ინტელექტის განვითარების მხარდაჭერის ფარგლებში ფესტივალის გენერალური სპონსორია – „კავკასუს ონლაინი“, რომლის დიდ თასსაც (GRAND CUP) გაითამაშებენ საქართველოს, სომხეთისა და აზერბაიჯანის მოაზროვნეები. ჩემპიონატში, რომელსაც „ბასკოს“ საკალათბურთო დარბაზი უმასპინძლებს, სამი ქვეყნის 55 გუნდი მიიღებს მონაწილეობას. ფესტივალის ჟიურის წევრები იქნებიან ცნობილი მოაზროვნეები და „ბროლის ბუს“ ლაურეატები: ალექსანდრ დრუზი (სანქტ-პეტერბურგი), ალექსანდრ რუბინი (მოსკოვი), ილია ნოვიკოვი (მოსკოვი), ელიზავეტა ოვდეენკო (ოდესა), ელენა პოტანინა (ოდესა).დღემდე ჩატარებულ 12 ჩემპიონატში 5-ჯერ გაიმარჯვეს აზერბაიჯანის, 4-ჯერ - საქართველოს, 3-ჯერ კი - სომხეთის წარმომადგენლებმა. ფესტივალი ქალაქ ბათუმის მერიისა და საკრებულოს, აჭარის ავტონომიური რესპუბლიკის განათლების, კულტურისა და სპორტის სამინისტროს მხარდაჭერით ტარდება და ის ოფიციალურად 29 ივლისს 14 საათზე გაიხსნება;
  • IP ტელევიზია ბოგდან ხმელნიცკის გამზირზე

    27.07.2011

    IP ტელევიზია უკვე ხელმისაწვდომია ბოგდან ხმელნიცკის გამზირზე; ამ უბანში დასრულდა მიწისქვეშა ოპტიკურ ბოჭკოვანი ქსელის მოწყობა და მომხმარებლებს ინტერნეტი ახალი ტექნოლოგიით მიეწოდებათ; ორმაგი შეკვეთისას (ინტერნეტი + ტელევიზია) მომხმარებელი პროდუქტებზე სპეციალურ ფასს იღებს! კომპანიის ვებ გვერდზე შესაძლებელია ინტერნეტისა და IP ტელევიზიის სასურველი პაკეტის შერჩევა. ამ დროისთვის IP ტელევიზიით სარგებლობა შეუძლიათ ვაკის, დიდუბის, დიღმის მასივის და ბოგდან ხმელნიცკის გამზირის მაცხოვრებლებს. გაიგეთ როდის იქნება ეს პროდუქტი ხელმისაწვდომი თქვენთვის – შეიყვანეთ თქვენი მისამართი სპეციალურ ველში ჩვენს ვებ გვერდზე!
  • კავკასუს ონლაინის პროდუქტების წარდგენა

    17.07.2011

    კავკასუს ონლაინი ინტერნეტის მიწოდების ახალ ტექნოლოგიაზე გადადის, შესაბამისად მომხმარებელს განახლებულ ინტერნეტ პაკეტებსა და IP ტელევიზიას სთავაზობს; FTTB (Fiber To The Building, ანუ ოპტიკა თითოეულ სახლამდე) ტექნოლოგიით თბილისში უკვე დასრულდა მიწისქვეშა ქსელის მოწყობა, მომხმარებლების გადაყვანა ახალ ქსელზე უკვე დაიწყო და ეტაპობრივად დასრულდება უახლოეს მომავალში, შესაბამისად მომხმარებელს უკვე აქვს საშუალება ისარგებლოს, სტაბილური და სწრაფი ინტერნეტით და IP ტელევიზიით, სექტემბრიდან კი ამ პროდუქტებს IP ტელეფონიაც დაემატება; ამდენად, რებრენდინგი (კავკასუს ონლაინი რებრენდინგს კომპანია Branding.ge-სთან ერთად ახორციელებს), რომელიც კომპანიაში რამდენიმე თვის წინ დაიწყო და კვლავ მიმდინარეობს, მოიცავს პროდუქტის თვისობრივ ცვლილებასაც, რაც მის ხარისხზე და სერვისზეც აისახება. ქსელი, რომლის მოწყობაც 9 თვეში დასრულდა უნიკალურია და ამ ტიპის ერთადერთი ქსელია საქართველოში, რაც მომხმარებლებისათვის დაცულობისა და ხარისხის გარანტი იქნება. კავკასუს ონლაინი მომხმარებლებს იმ ახალ პროდუქტებს შესთავაზებს, რომლებიც მაქსიმალურადაა მორგებული მომხმარებლის მოთხოვნაზე ფასისა და პროდუქტის თვალსაზრისით. ახალ ტექნოლოგიაზე დაფუძნებული პროდუქტები – ინტერნეტის ახალი პაკეტები და აი პი ტელევიზია პირველ ეტაპზე ხელმისაწვდომია ვაკის, დიდუბის და დიღმის მასივის მოსახლეობისათვის.